jo apni chhoTi aankhon mein baDe sapne sajaenge

jo apnī chhoTī āñkhoñ meñ baḌe sapne sajā.eñge

vo un ke TūTne kā baa'd meñ mātam manāeñge

na kar tū fikr tere baa'd is duniyā kā kyā hogā

tujhe kuchh roz meñ hī duniyā vaale bhuul jā.eñge

mujhe ḳhāmosh kar ke ho rahā hai ḳhush magar sun le

mire qisse jahāñ vaale suneñge aur sunā.eñge

ujālā bechne vo aa ga.e haiñ aaj bastī meñ

jo kal kah kar ga.e the ham añdheroñ ko miTā.eñge

paḌā hai aaj miTTī ke tale un kā badan 'ātif'

jo dā'vā karte the ham miTTī ko sonā banā.eñge

jo apni chhoTi aankhon mein baDe sapne sajaenge

wo un ke TuTne ka ba'd mein matam manaenge

na kar tu fikr tere ba'd is duniya ka kya hoga

tujhe kuchh roz mein hi duniya wale bhul jaenge

mujhe KHamosh kar ke ho raha hai KHush magar sun le

mere qisse jahan wale sunenge aur sunaenge

ujala bechne wo aa gae hain aaj basti mein

jo kal kah kar gae the hum andheron ko miTaenge

paDa hai aaj miTTi ke tale un ka badan 'atif'

jo da'wa karte the hum miTTi ko sona banaenge