jo baat achchhi nahin lagti usulan

jo baat achchhī nahīñ lagtī usūlan

use ham chhoḌ dete haiñ yaqīnan

nikālo duudh kī nahreñ yaqīnan

magar miltī hai shīrīñ ittifāqan

zabāñ luknat-zada bad-niyyatoñ kī

ham apnī baat kah dete haiñ fauran

diloñ ke beach ik dīvār sī hai

mileñ bhī ham to ab milte haiñ rasman

badan us kā hai ḳhushbū chāñd naġhma

tabhī to ham jhuke haiñ ehtirāman

ye mat samjho hai rassī duur mujh se

kabhī ham Dhiil de dete haiñ qasdan

yahī ab sher kā me.aar Thahrā

ravayya khurdurā thā ehtijājan

raqīboñ se tumheñ milnā hai 'āsim'

niyām-o-teġh rakh lo ehtiyātan

jo baat achchhi nahin lagti usulan

use hum chhoD dete hain yaqinan

nikalo dudh ki nahren yaqinan

magar milti hai shirin ittifaqan

zaban luknat-zada bad-niyyaton ki

hum apni baat kah dete hain fauran

dilon ke beach ek diwar si hai

milen bhi hum to ab milte hain rasman

badan us ka hai KHushbu chand naghma

tabhi to hum jhuke hain ehtiraman

ye mat samjho hai rassi dur mujh se

kabhi hum Dhil de dete hain qasdan

yahi ab sher ka mear Thahra

rawayya khurdura tha ehtijajan

raqibon se tumhein milna hai 'asim'

niyam-o-tegh rakh lo ehtiyatan