jo baat baat pe kahta tha tu hamara hai

jo baat baat pe kahtā thā tū hamārā hai

vo aaj ham se ye kahtā hai tū parāyā hai

kisī ne haal jo pūchhā kabhī hamārā to

kahā javāb meñ itnā ki bas guzārā hai

talāsh chāk-e-garebāñ havā meñ kartā huuñ

so mere saath ḳhudā ne kise utārā hai

jo shaḳhs aag ke dariyā meñ kuud aayā hai

ḳhabar nahīñ hai use kis taraf kinārā hai

vo itnā Dher sakhī hai har ik se kahtā hai

ai merī jaan mirā dil faqat tumhārā hai

vo jiit saktā thā lekin tū ahl-e-kūfa thā

tabhī yazīd ke lashkar se jang haarā hai

yahī to 'ishq ne 'sārim' sikhā diyā mujh ko

ki dil kushāda rahe har taraf ḳhasārā hai

jo baat baat pe kahta tha tu hamara hai

wo aaj hum se ye kahta hai tu paraya hai

kisi ne haal jo puchha kabhi hamara to

kaha jawab mein itna ki bas guzara hai

talash chaak-e-gareban hawa mein karta hun

so mere sath KHuda ne kise utara hai

jo shaKHs aag ke dariya mein kud aaya hai

KHabar nahin hai use kis taraf kinara hai

wo itna Dher sakhi hai har ek se kahta hai

ai meri jaan mera dil faqat tumhaara hai

wo jit sakta tha lekin tu ahl-e-kufa tha

tabhi yazid ke lashkar se jang haara hai

yahi to 'ishq ne 'sarim' sikha diya mujh ko

ki dil kushada rahe har taraf KHasara hai