jo baat dil mein hai wo main kah dun to main ghalat hun

jo baat dil meñ hai vo maiñ kah duuñ to maiñ ġhalat huuñ

agar maiñ zanjīr-e-duniyā toḌūñ to maiñ ġhalat huuñ

ġhalat nahīñ hai ḳhud apne baare meñ soch lenā

tire muqābil kisī ko sochūñ to maiñ ġhalat huuñ

ye zindagī kā safar hai chalnā hai shart is meñ

agar kahīñ par maiñ thak ke baiThūñ to maiñ ġhalat huuñ

maiñ phuul huuñ merī saarī ḳhushbū tire liye hai

agar kahīñ aur jā ke mahkūñ to maiñ ġhalat huuñ

ye terī marzī hai tū ruke yā ki saath chhoḌe

maiñ jaane vaale tujhe na rokūñ to maiñ ġhalat huuñ

vo koī ilzām chāhe mujh par lagā.e 'alkā'

agar maiñ apnī zabān kholūñ to maiñ ġhalat huuñ

jo baat dil mein hai wo main kah dun to main ghalat hun

agar main zanjir-e-duniya toDun to main ghalat hun

ghalat nahin hai KHud apne bare mein soch lena

tere muqabil kisi ko sochun to main ghalat hun

ye zindagi ka safar hai chalna hai shart is mein

agar kahin par main thak ke baiThun to main ghalat hun

main phul hun meri sari KHushbu tere liye hai

agar kahin aur ja ke mahkun to main ghalat hun

ye teri marzi hai tu ruke ya ki sath chhoDe

main jaane wale tujhe na rokun to main ghalat hun

wo koi ilzam chahe mujh par lagae 'alka'

agar main apni zaban kholun to main ghalat hun