jo baat kaam ki hai hans ke Tal deta hai

jo baat kaam kī hai hañs ke Taal detā hai

fuzūl baat ko aksar uchhāl detā hai

tulūa ġhurūb urūj-o-zavāl detā hai

kisī ko tamġha kisī ko vo shawl detā hai

taġhayyurāt ke sāñchoñ meñ Dhaal detā hai

ḳhushī kalī ko to gul ko malāl detā hai

vo chaar samt kā dariyā bahā ke aalam meñ

kisī ko ġharb kisī ko shumāl detā hai

machherā kitnī firāsat se jaal ko apnī

uThā ke gahre samundar meñ Daal detā hai

har ek kaam ko vo mere rā.egāñ likh kar

pahāḌ khod ke chūhā nikāl detā hai

kabhī kabhī mujhe lams-e-visāl de ke 'zarar'

mire vajūd ko barsoñ ujaal detā hai

jo baat kaam ki hai hans ke Tal deta hai

fuzul baat ko aksar uchhaal deta hai

tulua ghurub uruj-o-zawal deta hai

kisi ko tamgha kisi ko wo shawl deta hai

taghayyuraat ke sanchon mein Dhaal deta hai

KHushi kali ko to gul ko malal deta hai

wo chaar samt ka dariya baha ke aalam mein

kisi ko gharb kisi ko shumal deta hai

machhera kitni firasat se jal ko apni

uTha ke gahre samundar mein Dal deta hai

har ek kaam ko wo mere raegan likh kar

pahaD khod ke chuha nikal deta hai

kabhi kabhi mujhe lams-e-visal de ke 'zarar'

mere wajud ko barson ujal deta hai