jo baat kahni hai mujhko wo kahne wala hun

jo baat kahnī hai mujh ko vo kahne vaalā huuñ

kisī ke ḳhauf se kab chup maiñ rahne vaalā huuñ

kahāñ kahāñ mujhe rokoge band bhāñdhoge

maiñ chaḌhtā dariyā huuñ har samt bahne vaalā huuñ

tumhāre chāhne vāloñ se maiñ bhī vāqif huuñ

tumhārā dard maiñ tanhā hī sahne vaalā huuñ

mirī bhī baat suno merī shakl pahchāno

tumhāre shahr kā ik maiñ bhī rahne vaalā huuñ

har ek shaḳhs nadāmat se sar-nigūñ hogā

baḌe salīqe se vo baat kahne vaalā huuñ

zamāna koī sazā de ki kah de dīvāna

'matīn' maiñ kahāñ ḳhāmosh rahne vaalā huuñ

jo baat kahni hai mujh ko wo kahne wala hun

kisi ke KHauf se kab chup main rahne wala hun

kahan kahan mujhe rokoge band bhandhoge

main chaDhta dariya hun har samt bahne wala hun

tumhaare chahne walon se main bhi waqif hun

tumhaara dard main tanha hi sahne wala hun

meri bhi baat suno meri shakl pahchano

tumhaare shahr ka ek main bhi rahne wala hun

har ek shaKHs nadamat se sar-nigun hoga

baDe saliqe se wo baat kahne wala hun

zamana koi saza de ki kah de diwana

'matin' main kahan KHamosh rahne wala hun