jo be-kahe-sune aae sada rakhen na rakhen

jo be-kahe-sune aa.e sadā rakheñ na rakheñ

ye iḳhtiyār hai kis paas kyā rakheñ na rakheñ

hamāre qadmoñ ke nīche sarak rahī hai zamīñ

kisī se kyā koī shikva gila rakheñ na rakheñ

ye soch bhī kabhī aa.ī nahīñ ai rabb-e-karīm

ba-juz ḳhudā koī tujh sā ḳhudā rakheñ na rakheñ

ba-nām-e-husn sitam vo kareñ na.e se nayā

ba-nām-e-ishq karam vo ravā rakheñ na rakheñ

tamām raat isī ik udheḌ-bun meñ kaTī

visāl-e-yār ye dil aa.ina rakheñ na rakheñ

hamārā zehn judā ho ke ham se sochtā hai

so apne aap se ab vāsta rakheñ na rakheñ

hamāre haath meñ gahrī hai dostī kī lakīr

salā-e-ām hai 'ḳhusrav' sila rakheñ na rakheñ

jo be-kahe-sune aae sada rakhen na rakhen

ye iKHtiyar hai kis pas kya rakhen na rakhen

hamare qadmon ke niche sarak rahi hai zamin

kisi se kya koi shikwa gila rakhen na rakhen

ye soch bhi kabhi aai nahin ai rabb-e-karim

ba-juz KHuda koi tujh sa KHuda rakhen na rakhen

ba-nam-e-husn sitam wo karen nae se naya

ba-nam-e-ishq karam wo rawa rakhen na rakhen

tamam raat isi ek udheD-bun mein kaTi

visal-e-yar ye dil aaina rakhen na rakhen

hamara zehn juda ho ke hum se sochta hai

so apne aap se ab wasta rakhen na rakhen

hamare hath mein gahri hai dosti ki lakir

sala-e-am hai 'KHusraw' sila rakhen na rakhen