jo bhar len ek chuTki sahab-e-tasir miTTi ki

jo bhar leñ ek chuTkī sāhab-e-tāsīr miTTī kī

abhī sharminda-e-tāsīr ho iksīr miTTī kī

banā kar aadmī kyuuñ āb-o-gil meñ ishq ko Daalā

nikālī hai ḳhudā ne ye na.ī ta.azīr miTTī kī

hamārī qabr par bhī ik hujūm-e-be-kasī hogā

dikhā deñge pas-e-murdan tujhe tauqīr miTTī kī

zamīn-e-kūcha-e-dil-dār ne kyā paañv pakḌe haiñ

milī dīvāngān-e-ishq ko zanjīr miTTī kī

rahegā TuuT kar bhī ḳhāna-e-dil ālam-e-hasrat

use bhī aap samjhe haiñ magar ta.amīr miTTī kī

yahī miTTī hai jis se sab banā.e jaate haiñ yārab

butoñ meñ kyuuñ badal jaatī hai phir tāsīr miTTī kī

vo kushta huuñ ki rū-e-ḳhāk par bhī aa ga.ī surḳhī

ḳhushī se shakl badlī hai dam-e-takbīr miTTī kī

junūn-e-ishq meñ tere zamāna ḳhaak barsar hai

baḌhī hai in dinoñ tauqīr se tauqīr miTTī kī

zabāñ dī thī ḳhudā ne bolne ke vāste lekin

banāyā nāz-o-tamkīñ ne tumheñ tasvīr miTTī kī

kahāñ sail-e-havādis meñ patā ham ḳhāksāroñ kā

kahīñ Thahrī hai rū-e-āb par ta.amīr miTTī kī

musallat ḳhākiyoñ par kyuuñ kiyā hai charḳh ko yārab

na thā maqbūl uzr is kā to kyā taqsīr miTTī kī

vo kyā kyā ḳhaak uḌāte haiñ zabāñ par aa ke tū ne to

hamārī baat bhī ai nāla-e-shab-gīr miTTī kī

tum aa.e mere ghar kā zarra zarra ho gayā raushan

huī mehr-e-daraḳhshāñ se sivā tanvīr miTTī kī

uḌāne dete haiñ vahshat-zada tere koī din meñ

baḌhegī justujū ab sūrat-e-aksīr miTTī kī

vo aa.e ḳhaak uḌāne ko pas-e-murdan to hasrat se

hamārī ruuh kahtī hai zahe-taqdīr miTTī kī

banāyā us se hai dushman ko aur ham ko magar 'sālik'

kahīñ tauqīr miTTī kī kahīñ tahqīr miTTī kī

jo bhar len ek chuTki sahab-e-tasir miTTi ki

abhi sharminda-e-tasir ho iksir miTTi ki

bana kar aadmi kyun aab-o-gil mein ishq ko Dala

nikali hai KHuda ne ye nai tazir miTTi ki

hamari qabr par bhi ek hujum-e-be-kasi hoga

dikha denge pas-e-murdan tujhe tauqir miTTi ki

zamin-e-kucha-e-dil-dar ne kya panw pakDe hain

mili diwangan-e-ishq ko zanjir miTTi ki

rahega TuT kar bhi KHana-e-dil aalam-e-hasrat

use bhi aap samjhe hain magar tamir miTTi ki

yahi miTTi hai jis se sab banae jate hain yarab

buton mein kyun badal jati hai phir tasir miTTi ki

wo kushta hun ki ru-e-KHak par bhi aa gai surKHi

KHushi se shakl badli hai dam-e-takbir miTTi ki

junun-e-ishq mein tere zamana KHak barsar hai

baDhi hai in dinon tauqir se tauqir miTTi ki

zaban di thi KHuda ne bolne ke waste lekin

banaya naz-o-tamkin ne tumhein taswir miTTi ki

kahan sail-e-hawadis mein pata hum KHaksaron ka

kahin Thahri hai ru-e-ab par tamir miTTi ki

musallat KHakiyon par kyun kiya hai charKH ko yarab

na tha maqbul uzr is ka to kya taqsir miTTi ki

wo kya kya KHak uDate hain zaban par aa ke tu ne to

hamari baat bhi ai nala-e-shab-gir miTTi ki

tum aae mere ghar ka zarra zarra ho gaya raushan

hui mehr-e-daraKHshan se siwa tanwir miTTi ki

uDane dete hain wahshat-zada tere koi din mein

baDhegi justuju ab surat-e-aksir miTTi ki

wo aae KHak uDane ko pas-e-murdan to hasrat se

hamari ruh kahti hai zahe-taqdir miTTi ki

banaya us se hai dushman ko aur hum ko magar 'salik'

kahin tauqir miTTi ki kahin tahqir miTTi ki