jo bhi humse ban paDa karte rahe

jo bhī ham se ban paḌā karte rahe

rut badalne kī duā karte rahe

kaisī kaisī chāhatoñ ke the charāġh

jin ko ham burd-e-havā karte rahe

Taañk kar ḳhush-rañg ummīdoñ ke phuul

ḳhushk Tahnī ko harā karte rahe

rañg ḳhushbū se alag hote na the

lafz ma.anī se judā karte rahe

jānte the chāplūsī kā hunar

kaam phir bhī dūsrā karte rahe

ḳhauf-nagrī ke makīñ the ham 'shafīq'

phir bhī jazboñ ko sadā karte rahe

jo bhi hum se ban paDa karte rahe

rut badalne ki dua karte rahe

kaisi kaisi chahaton ke the charagh

jin ko hum burd-e-hawa karte rahe

Tank kar KHush-rang ummidon ke phul

KHushk Tahni ko hara karte rahe

rang KHushbu se alag hote na the

lafz mani se juda karte rahe

jaante the chaplusi ka hunar

kaam phir bhi dusra karte rahe

KHauf-nagri ke makin the hum 'shafiq'

phir bhi jazbon ko sada karte rahe