jo bit gai uski KHabar hai ki nahin hai
jo biit ga.ī us kī ḳhabar hai ki nahīñ hai
dekho mire tan par mirā sar hai ki nahīñ hai
is shahr-e-nadāmat se jo aa.e haiñ palaT kar
dar-pesh nayā un ko safar hai ki nahīñ hai
yāroñ ko bahut pyaar hai zindān-e-vafā se
lekin kisī dīvār meñ dar hai ki nahīñ hai
miltī ho ziyā jis ko charāġhoñ kī lavoñ se
us shahr meñ aisā koī ghar hai ki nahīñ hai
chehre pe sajā laayā huuñ maiñ dil kī sadā.eñ
duniyā meñ koī ahl-e-nazar hai ki nahīñ hai
sūraj kī guzargāh bane shāḳh na jis kī
aisā koī raste meñ shajar hai ki nahīñ hai
barsāt meñ koyal sī jahāñ kuuk rahī thī
ābād vo ḳhvāboñ kā nagar hai ki nahīñ hai
TuuTī huī masjid maiñ khaḌā dekh rahā huuñ
mahfūz shivāle kā gajar hai ki nahīñ hai
kyuuñ terā garebāñ hai 'qatīl' ab bhī salāmat
kuchh tujh pe na.ī rut kā asar hai ki nahīñ hai
jo bit gai us ki KHabar hai ki nahin hai
dekho mere tan par mera sar hai ki nahin hai
is shahr-e-nadamat se jo aae hain palaT kar
dar-pesh naya un ko safar hai ki nahin hai
yaron ko bahut pyar hai zindan-e-wafa se
lekin kisi diwar mein dar hai ki nahin hai
milti ho ziya jis ko charaghon ki lawon se
us shahr mein aisa koi ghar hai ki nahin hai
chehre pe saja laya hun main dil ki sadaen
duniya mein koi ahl-e-nazar hai ki nahin hai
suraj ki guzargah bane shaKH na jis ki
aisa koi raste mein shajar hai ki nahin hai
barsat mein koyal si jahan kuk rahi thi
aabaad wo KHwabon ka nagar hai ki nahin hai
TuTi hui masjid main khaDa dekh raha hun
mahfuz shiwale ka gajar hai ki nahin hai
kyun tera gareban hai 'qatil' ab bhi salamat
kuchh tujh pe nai rut ka asar hai ki nahin hai
- Book : Kalam Qateel Shifai (Pg. 140)
- Author : Qateel Shifai
- Publication : Farid Book Depot Pvt. Ltd (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.