jo DhunDne gaya tha wo ab tak mila nahin

jo DhūñDne gayā thā vo ab tak milā nahīñ

ġharqāb kashtiyoñ kā koī nā-ḳhudā nahīñ

ik dhund barqarār hai donoñ ke darmiyān

ya.anī ki dekh kar bhī use dekhtā nahīñ

merī fazā banī hai yahāñ tere naam se

lekin hai ye sitam kī tujhe kuchh pata nahīñ

ḳhushiyāñ tumhāre saath hī chalne kā naam haiñ

tum se kisī ne aaj tak aisā kahā nahīñ

puurī tarah se is ko koī ek hī paḌhe

merī badan-kitāb pe aisā likhā nahīñ

kūza-garī kā kaam hai shāyad ḳhudā kā kaam

jis se kabhī bhī chaak par achchhā banā nahīñ

jo DhunDne gaya tha wo ab tak mila nahin

gharqab kashtiyon ka koi na-KHuda nahin

ek dhund barqarar hai donon ke darmiyan

yani ki dekh kar bhi use dekhta nahin

meri faza bani hai yahan tere nam se

lekin hai ye sitam ki tujhe kuchh pata nahin

KHushiyan tumhaare sath hi chalne ka nam hain

tum se kisi ne aaj tak aisa kaha nahin

puri tarah se is ko koi ek hi paDhe

meri badan-kitab pe aisa likha nahin

kuza-gari ka kaam hai shayad KHuda ka kaam

jis se kabhi bhi chaak par achchha bana nahin