jo dil mein usko basae wo aur kuchh na kare

jo dil meñ us ko basā.e vo aur kuchh na kare

vo ruup hai ki use dekhiye to jī na kare

jo dard dil meñ uThe aah khīñchne se Dare

vo aa.ina hai ki mauj-e-havā shikast kare

khileñgī raah meñ is raat barf kī kaliyāñ

gharoñ meñ ghūmte phirte haiñ bādaloñ ke pare

havā udhar kī chalī bhī to dard mar na gayā

yahī huā hai ki kuchh zaḳhm ho chale haiñ mire

ye jañgalī ye kaTīlī ye bāvarī āñhkeñ

ki jin se aañkh milāte hue hiran bhī Dare

ḳhamosh ho bhī to kaise vo boltā huā jism

jo hoñT hoñT se chupke to aañkh baat kare

vafā bane na agar 'ashk' raah kā patthar

hazār jism bhare shahr meñ bane sañvre

jo dil mein us ko basae wo aur kuchh na kare

wo rup hai ki use dekhiye to ji na kare

jo dard dil mein uThe aah khinchne se Dare

wo aaina hai ki mauj-e-hawa shikast kare

khilengi rah mein is raat barf ki kaliyan

gharon mein ghumte phirte hain baadalon ke pare

hawa udhar ki chali bhi to dard mar na gaya

yahi hua hai ki kuchh zaKHm ho chale hain mere

ye jangali ye kaTili ye bawari aanhken

ki jin se aankh milate hue hiran bhi Dare

KHamosh ho bhi to kaise wo bolta hua jism

jo honT honT se chupke to aankh baat kare

wafa bane na agar 'ashk' rah ka patthar

hazar jism bhare shahr mein bane sanwre