jo Duba tha wahi suraj ubharne ke liye hai
jo Duubā thā vahī sūraj ubharne ke liye hai
ye duniyā har qadam hairān karne ke liye hai
agar hai shauq uḌne kā to jaao āsmāñ meñ
zamīñ vaalo zamīñ to paañv dharne ke liye hai
hifāzat karte karte shāḳh se gir jaa.e har gul
magar ḳhushbū havāoñ meñ bikharne ke liye hai
ye jo ik rang baaqī hai mirī āñkhoñ meñ ab tak
na jaane kaun se ḳhvāboñ meñ bharne ke liye hai
mirī tanhā.ī meñ aao aur apne 'aks dekho
ye ā.īna tumhāre hī sañvarne ke liye hai
kabhī manzil huā kartā thā roz ik rāste kī
jo dil ab rāsta hai aur guzarne ke liye hai
jo Duba tha wahi suraj ubharne ke liye hai
ye duniya har qadam hairan karne ke liye hai
agar hai shauq uDne ka to jao aasman mein
zamin walo zamin to panw dharne ke liye hai
hifazat karte karte shaKH se gir jae har gul
magar KHushbu hawaon mein bikharne ke liye hai
ye jo ek rang baqi hai meri aankhon mein ab tak
na jaane kaun se KHwabon mein bharne ke liye hai
meri tanhai mein aao aur apne 'aks dekho
ye aaina tumhaare hi sanwarne ke liye hai
kabhi manzil hua karta tha roz ek raste ki
jo dil ab rasta hai aur guzarne ke liye hai
- Book : Subh Bakhair Zindagi (Pg. 110)
- Author : Ameer Imam
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.