jo ek pal bhi sukun ka kabhi kabhi mil jae

jo ek pal bhī sukūñ kā kabhī kabhī mil jaa.e

to phir balā se hamesha kī bekalī mil jaa.e

ḳhudā gavāh tabassum kā ek lamha bahut

tamām 'umr meñ jis ko bhī jab kabhī mil jaa.e

jo ḳhanda-zan haiñ ġharīboñ kī tīra-baḳhtī par

unheñ hamāre muqaddar kī tīrgī mil jaa.e

safar ke baa'd bhī zauq-e-safar tamām na ho

qadam ko ‘ishrat-e-manzil hazār bhī mil jaa.e

qubūl zahmat-e-yak-gām bhī nahīñ jin ko

vo chāhte haiñ zamāne kī har ḳhushī mil jaa.e

hazār saal se do din kī zindagī behtar

agar kisī ko salīqe kī zindagī mil jaa.e

kahāñ kahāñ se na guzre ye soch kar 'afzal'

koī ḳhushī kahīñ shāyad girī-paḌī mil jaa.e

jo ek pal bhi sukun ka kabhi kabhi mil jae

to phir bala se hamesha ki bekali mil jae

KHuda gawah tabassum ka ek lamha bahut

tamam 'umr mein jis ko bhi jab kabhi mil jae

jo KHanda-zan hain gharibon ki tira-baKHti par

unhen hamare muqaddar ki tirgi mil jae

safar ke ba'd bhi zauq-e-safar tamam na ho

qadam ko ‘ishrat-e-manzil hazar bhi mil jae

qubul zahmat-e-yak-gam bhi nahin jin ko

wo chahte hain zamane ki har KHushi mil jae

hazar sal se do din ki zindagi behtar

agar kisi ko saliqe ki zindagi mil jae

kahan kahan se na guzre ye soch kar 'afzal'

koi KHushi kahin shayad giri-paDi mil jae