jo ek pal ko bujhe bazm-e-rang-o-bu ke charagh

jo ek pal ko bujhe bazm-e-rañg-o-bū ke charāġh

to ham ne daar pe raushan kiye lahū ke charāġh

havā-e-tīra-nasab kyā bujhā sakegī unheñ

ki āñdhiy.oñ meñ bhī jalte haiñ aarzū ke charāġh

adā-e-mausam-e-gul kā kamāl kyā kahiye

kalī kalī se farozāñ hue numū ke charāġh

bujhī jo sub.h to sīnoñ meñ dil jalā.e ga.e

huī jo shaam to raushan hue subū ke charāġh

ye naqsh-e-pā haiñ mire yā savād-e-manzil tak

qadam qadam pe numāyāñ haiñ justujū ke charāġh

kabhī kabhī to 'ziyā' vo bhī vaqt aatā hai

bujhāne paḌte haiñ ḳhud apnī aarzū ke charāġh

jo ek pal ko bujhe bazm-e-rang-o-bu ke charagh

to hum ne dar pe raushan kiye lahu ke charagh

hawa-e-tira-nasab kya bujha sakegi unhen

ki aandhiyon mein bhi jalte hain aarzu ke charagh

ada-e-mausam-e-gul ka kamal kya kahiye

kali kali se farozan hue numu ke charagh

bujhi jo subh to sinon mein dil jalae gae

hui jo sham to raushan hue subu ke charagh

ye naqsh-e-pa hain mere ya sawad-e-manzil tak

qadam qadam pe numayan hain justuju ke charagh

kabhi kabhi to 'ziya' wo bhi waqt aata hai

bujhane paDte hain KHud apni aarzu ke charagh