jo gir jaun sambhalna jaanti hun

jo gir jā.ūñ sambhalnā jāntī huuñ

havādis se nimaTnā jāntī huuñ

shikast-e-ā.ina tak baat pahuñche

maiñ is darja sañvarnā jāntī huuñ

hai merī sādgī meñ husn aisā

tire dil meñ utarnā jāntī huuñ

bharosa rakhnā tum merī vafā par

maiñ añgāroñ pe chalnā jāntī huuñ

nahīñ qaa.il maiñ hargiz ḳhud-kushī kī

magar maiñ tujh pe marnā jāntī huuñ

huuñ paanī kī tarah fitrat meñ apnī

maiñ har sāñche meñ Dhalnā jāntī huuñ

biphar jā.ūñ to jaise lahar koī

chaTānoñ se bhī laḌnā jāntī huuñ

junūñ ban kar jo Takrā.ūñ ḳhirad se

hadoñ se bhī guzarnā jāntī huuñ

duā-e-nūr paḌh letī huuñ aksar

balāoñ se nimaTnā jāntī huuñ

mujhe ye bhī hunar aatā hai jānāñ

tirī qismat badalnā jāntī huuñ

siyāsat chhoḌ dī hai maiñ ne varna

maiñ terā taḳht ulaTnā jāntī huuñ

bhulā detī huuñ aksar ranjishoñ ko

kahāñ tujh se maiñ laḌnā jāntī huuñ

vafā tū ne nahīñ kī mujh se lekin

tujhe maiñ ab bhī apnā jāntī huuñ

tire dil par jo apnā haath rakh duuñ

maiñ terā dil badalnā jāntī huuñ

jo gir jaun sambhalna jaanti hun

hawadis se nimaTna jaanti hun

shikast-e-aina tak baat pahunche

main is darja sanwarna jaanti hun

hai meri sadgi mein husn aisa

tere dil mein utarna jaanti hun

bharosa rakhna tum meri wafa par

main angaron pe chalna jaanti hun

nahin qail main hargiz KHud-kushi ki

magar main tujh pe marna jaanti hun

hun pani ki tarah fitrat mein apni

main har sanche mein Dhalna jaanti hun

biphar jaun to jaise lahar koi

chaTanon se bhi laDna jaanti hun

junun ban kar jo Takraun KHirad se

hadon se bhi guzarna jaanti hun

dua-e-nur paDh leti hun aksar

balaon se nimaTna jaanti hun

mujhe ye bhi hunar aata hai jaanan

teri qismat badalna jaanti hun

siyasat chhoD di hai main ne warna

main tera taKHt ulaTna jaanti hun

bhula deti hun aksar ranjishon ko

kahan tujh se main laDna jaanti hun

wafa tu ne nahin ki mujh se lekin

tujhe main ab bhi apna jaanti hun

tere dil par jo apna hath rakh dun

main tera dil badalna jaanti hun