jo guftugu se qaum ka rahbar laga mujhe

jo guftugū se qaum kā rahbar lagā mujhe

jab ham-safar banā to bahut Dar lagā mujhe

jab ashk un kī aañkh ke palkoñ tak aa ga.e

ghar kā har ek gosha munavvar lagā mujhe

le kar udāsiyāñ jo tirī bazm se uThā

behad ujaaḌ shahr kā manzar lagā mujhe

apne vujūd kā liyā jab jab bhī jā.eza

har shaḳhs apnī zaat se behtar lagā mujhe

tark-e-vafā kā jis ne bhī mujh ko diyā sabaq

har aisā dost raah kā patthar lagā mujhe

thā us kī bāt-chīt meñ kaisā ye bāñkpan

ā.īna saaf thā magar aazar lagā mujhe

'rizvān' us ke ḳhvāb bahut hī hasīn the

bahr-e-vafā kā jo bhī shanāvar lagā mujhe

jo guftugu se qaum ka rahbar laga mujhe

jab ham-safar bana to bahut Dar laga mujhe

jab ashk un ki aankh ke palkon tak aa gae

ghar ka har ek gosha munawwar laga mujhe

le kar udasiyan jo teri bazm se uTha

behad ujaD shahr ka manzar laga mujhe

apne wujud ka liya jab jab bhi jaeza

har shaKHs apni zat se behtar laga mujhe

tark-e-wafa ka jis ne bhi mujh ko diya sabaq

har aisa dost rah ka patthar laga mujhe

tha us ki baat-chit mein kaisa ye bankpan

aaina saf tha magar aazar laga mujhe

'rizwan' us ke KHwab bahut hi hasin the

bahr-e-wafa ka jo bhi shanawar laga mujhe