jo hai nahin use khone ka Dar diya mujhko

jo hai nahīñ use khone kā Dar diyā mujh ko

is ek soch ne bīmār kar diyā mujh ko

kisī ne phūloñ sā paayā to mujh ko toḌ chalā

kisī ne zaḳhm sā samjhā to bhar diyā mujh ko

ye terā ḳhvāb in āñkhoñ meñ kis tarah aayā

ye kis ne niiñd meñ bechain kar diyā mujh ko

nasha utarte hī chaḌhtā thā us kī āñkhoñ ne

har ek jaam sahī vaqt par diyā mujh ko

is ik ḳhayāl ne ki terā saath kaafī hai

sabhī ke saath se mahrūm kar diyā mujh ko

jo hai nahin use khone ka Dar diya mujh ko

is ek soch ne bimar kar diya mujh ko

kisi ne phulon sa paya to mujh ko toD chala

kisi ne zaKHm sa samjha to bhar diya mujh ko

ye tera KHwab in aankhon mein kis tarah aaya

ye kis ne nind mein bechain kar diya mujh ko

nasha utarte hi chaDhta tha us ki aankhon ne

har ek jam sahi waqt par diya mujh ko

is ek KHayal ne ki tera sath kafi hai

sabhi ke sath se mahrum kar diya mujh ko