jo hum anjam par apni nazar ai baghban karte

jo ham anjām par apnī nazar ai bāġhbāñ karte

chaman meñ aag de dete qafas ko āshiyāñ karte

ajal kambaḳht aatī hai nahīñ dar par tire varna

ham aisī maut par bhī zindagānī kā gumāñ karte

sahī ifshā-e-rāz-e-ishq lekin ye musībat hai

na karte sajda tere dar par āḳhir to kahāñ karte

hameñ dair-o-haram meñ qaid rakkhā bad-nasībī ne

jahāñ sajde kī gunjā.ish na thī sajda vahāñ karte

uḌā laatī havā jo kuchh ḳhas-o-ḳhāshāk-e-zindāñ meñ

unhīñ tinkoñ pe ham apne nasheman kā gumāñ karte

ye ai fikr-e-rihā.ī kis balā meñ ham ko lā Daalā

qafas meñ dahke āzādī se zikr-e-āshiyāñ karte

jo hum anjam par apni nazar ai baghban karte

chaman mein aag de dete qafas ko aashiyan karte

ajal kambaKHt aati hai nahin dar par tere warna

hum aisi maut par bhi zindagani ka guman karte

sahi ifsha-e-raaz-e-ishq lekin ye musibat hai

na karte sajda tere dar par aaKHir to kahan karte

hamein dair-o-haram mein qaid rakkha bad-nasibi ne

jahan sajde ki gunjaish na thi sajda wahan karte

uDa lati hawa jo kuchh KHas-o-KHashak-e-zindan mein

unhin tinkon pe hum apne nasheman ka guman karte

ye ai fikr-e-rihai kis bala mein hum ko la Dala

qafas mein dahke aazadi se zikr-e-ashiyan karte