jo haq-nawai ko samjhe hunar nahin milta

jo haq-navā.ī ko samjhe hunar nahīñ miltā

yahāñ pe koī bhī ahl-e-nazar nahīñ miltā

ki jis pe naaz kareñ aur ḳhuub itrā.eñ

suḳhan meñ apne vo husn-e-asar nahīñ miltā

junūn-e-dil hai talabgār sar-bulandī kā

bhale hī hausla-e-bāl-o-par nahīñ miltā

kisī ke hisse meñ aatī hai saltanat puurī

kisī ko pyaar bhī kyoñ chaah kar nahīñ miltā

jahāñ pe hotī hai mehr-o-ḳhulūs kī bārish

dayār-e-dil meñ ujaḌne kā Dar nahīñ miltā

maiñ tang aa gayā hijrat ke karb se logo

sukūn-e-dil mile jis meñ vo ghar nahīñ miltā

kise maiñ sauñp duuñ apnī matā’-e-dil 'ashraf'

tumhāre jaisā koī mo'tabar nahīñ miltā

jo haq-nawai ko samjhe hunar nahin milta

yahan pe koi bhi ahl-e-nazar nahin milta

ki jis pe naz karen aur KHub itraen

suKHan mein apne wo husn-e-asar nahin milta

junun-e-dil hai talabgar sar-bulandi ka

bhale hi hausla-e-baal-o-par nahin milta

kisi ke hisse mein aati hai saltanat puri

kisi ko pyar bhi kyon chah kar nahin milta

jahan pe hoti hai mehr-o-KHulus ki barish

dayar-e-dil mein ujaDne ka Dar nahin milta

main tang aa gaya hijrat ke karb se logo

sukun-e-dil mile jis mein wo ghar nahin milta

kise main saunp dun apni mata’-e-dil 'ashraf'

tumhaare jaisa koi mo'tabar nahin milta