jo hasin husn-e-taghaful se guzar jata hai

jo hasīñ husn-e-taġhāful se guzar jaatā hai

chāhne vāloñ ke vo dil se utar jaatā hai

jis taraf sehn-e-chaman se vo guzar jaatā hai

rañg phūloñ kā kahīñ aur nikhar jaatā hai

aa bhī jaao ki duā maañg rahā huuñ kab se

baat rah jaatī hai aur vaqt guzar jaatā hai

umr-bhar karvaTeñ letā hai vo paikān-e-nazar

aañkh kī raah se jo dil meñ utar jaatā hai

mere kahne se zarā zulf sañvāro to sahī

log kahte haiñ muqaddar bhī sañvar jaatā hai

bahr-e-ġham meñ terī yādoñ kā sahārā le kar

ġham kā tūfāñ bhī mere sar se guzar jaatā hai

yak-ba-yak kaise bhulā duuñ unheñ 'ja.afar' dil se

jaate jaate hī mohabbat kā asar jaatā hai

jo hasin husn-e-taghaful se guzar jata hai

chahne walon ke wo dil se utar jata hai

jis taraf sehn-e-chaman se wo guzar jata hai

rang phulon ka kahin aur nikhar jata hai

aa bhi jao ki dua mang raha hun kab se

baat rah jati hai aur waqt guzar jata hai

umr-bhar karwaTen leta hai wo paikan-e-nazar

aankh ki rah se jo dil mein utar jata hai

mere kahne se zara zulf sanwaro to sahi

log kahte hain muqaddar bhi sanwar jata hai

bahr-e-gham mein teri yaadon ka sahaara le kar

gham ka tufan bhi mere sar se guzar jata hai

yak-ba-yak kaise bhula dun unhen 'jafar' dil se

jate jate hi mohabbat ka asar jata hai