jo honTon pe mohr-e-KHamoshi laga di

jo hoñToñ pe mohr-e-ḳhamoshī lagā dī

to mil kar nigāhoñ ne taalī bajā dī

kisī ke liye maiñ pareshāñ nahīñ huuñ

raqīboñ ne jaane kahāñ kī uḌā dī

junūñ apnī taqdīr se kheltā hai

miTā.ī banā dī banā.ī miTā dī

abhī nuur o zulmat meñ chaltī rahegī

na vo is ke aadī na maiñ us kā aadī

ḳhabar kārvāñ kī na ho rahzanoñ ko

yahī soch kar maiñ ne mish.al bujhā dī

guloñ ne jab ilzām rakkhā ḳhizāñ par

to vo ḳhaar ko dekh kar muskurā dī

tavaqqo.a nahīñ thī 'muzaffar' se un ko

kharī baat sun kar qayāmat uThā dī

jo honTon pe mohr-e-KHamoshi laga di

to mil kar nigahon ne tali baja di

kisi ke liye main pareshan nahin hun

raqibon ne jaane kahan ki uDa di

junun apni taqdir se khelta hai

miTai bana di banai miTa di

abhi nur o zulmat mein chalti rahegi

na wo is ke aadi na main us ka aadi

KHabar karwan ki na ho rahzanon ko

yahi soch kar main ne mishal bujha di

gulon ne jab ilzam rakkha KHizan par

to wo KHar ko dekh kar muskura di

tawaqqoa nahin thi 'muzaffar' se un ko

khari baat sun kar qayamat uTha di