jo jahan ke aaina hain dil unhon ke sada hain

jo jahāñ ke aa.ina haiñ dil unhoñ ke saada haiñ

dil meñ jā dene ko vo har ek ke āmāda haiñ

qatl se āshiq ke tū ne ab to khaa.ī hai qasam

āḳhir ai qātil ye bāteñ pesh-pā-uftāda haiñ

kal ke din jo gird mai-ḳhāne ke phirte the ḳharāb

aaj masjid meñ jo dekhā sāhab-e-sajjāda haiñ

band meñ mutlaq jo mujh ko ḳhatra-e-sayyād ho

huuñ asīr-e-dām par vaz.aeñ mirī āzāda haiñ

rāh-paimāyān-e-aqlīm-e-adam se yādgār

dāman-e-sahrā meñ ab baaqī nuqūsh-e-jāda haiñ

chashm-e-sāqī ke liye haiñ teġh-e-abrū dosh par

lag na chal un se 'baqā' ye turk mast-e-bāda haiñ

jo jahan ke aaina hain dil unhon ke sada hain

dil mein ja dene ko wo har ek ke aamada hain

qatl se aashiq ke tu ne ab to khai hai qasam

aaKHir ai qatil ye baaten pesh-pa-uftada hain

kal ke din jo gird mai-KHane ke phirte the KHarab

aaj masjid mein jo dekha sahab-e-sajjada hain

band mein mutlaq jo mujh ko KHatra-e-sayyaad ho

hun asir-e-dam par wazaen meri aazada hain

rah-paimayan-e-aqlim-e-adam se yaadgar

daman-e-sahra mein ab baqi nuqush-e-jada hain

chashm-e-saqi ke liye hain tegh-e-abru dosh par

lag na chal un se 'baqa' ye turk mast-e-baada hain