jo kaam saKHt is dil-e-nashad se hua

jo kaam saḳht is dil-e-nāshād se huā

farhād aur na taisha-e-farhād se huā

har-chand josh-e-girya huā vajh-e-iztirāb

phir bhī sukūn dil ko tirī yaad se huā

har jalva ban gayā chaman-ārā-e-zindagī

kyā kyā na mujh ko faiz tirī yaad se huā

vo umr bhar ko ho gayā shaidā-e-kaif-e-ġham

jo rū-shanās aap kī bedād se huā

har zarra kā.enāt kā larzish meñ aa gayā

hangāma ik nayā mirī fariyād se huā

maiñ aur niyāz-mandī-e-dargāh-e-husn-o-ishq

ai dost jo huā tirī imdād se huā

'sāqib' hai aur jalva-gah-e-husn-e-be-hijāb

itnā to us ko faiz tirī yaad se havā

jo kaam saKHt is dil-e-nashad se hua

farhad aur na taisha-e-farhad se hua

har-chand josh-e-girya hua wajh-e-iztirab

phir bhi sukun dil ko teri yaad se hua

har jalwa ban gaya chaman-ara-e-zindagi

kya kya na mujh ko faiz teri yaad se hua

wo umr bhar ko ho gaya shaida-e-kaif-e-gham

jo ru-shanas aap ki bedad se hua

har zarra kaenat ka larzish mein aa gaya

hangama ek naya meri fariyaad se hua

main aur niyaz-mandi-e-dargah-e-husn-o-ishq

ai dost jo hua teri imdad se hua

'saqib' hai aur jalwa-gah-e-husn-e-be-hijab

itna to us ko faiz teri yaad se hawa