jo kahen wo kar dikhaen is ke hum aamil nahin

jo kaheñ vo kar dikhā.eñ is ke ham 'āmil nahīñ

do zabāneñ kyoñ nahīñ kis vāste do dil nahīñ

pher lūñgā maiñ chhurī gardan par apne haath se

marne vaale ke liye marnā koī mushkil nahīñ

kashti-e-dil ġharq ho jaa.e na ai girdāb-e-ġham

har taraf dariyā hī dariyā hai kahīñ sāhil nahīñ

dil se nikle lab tak aa.e lab se pahuñche 'arsh tak

dil hī dil meñ jo rahe ghuT kar vo āh-e-dil nahīñ

roktī hai is irāde se mujhe merī umiid

maiñ samajhtā thā ki mar jaanā koī mushkil nahīñ

har nafas kahtā hai thak thak kar ye mujh se har nafas

rahrav-e-gum-karda-manzil kī koī manzil nahīñ

kyā karūñ ai ḳhanjar-e-ġham kyā karūñ ai tīr-e-‘ishq

haiñ to do pahlū magar donoñ meñ ek ik dil nahīñ

aas tum ne toḌ dī apne marīz-e-‘ishq kī

us ke muñh par kyoñ kahā jiine ke ye qābil nahīñ

log kahte haiñ ki vo qātil baḌā be-dard hai

us ko bhī bismil na maiñ kar duuñ to phir 'bismil' nahīñ

jo kahen wo kar dikhaen is ke hum 'amil nahin

do zabanen kyon nahin kis waste do dil nahin

pher lunga main chhuri gardan par apne hath se

marne wale ke liye marna koi mushkil nahin

kashti-e-dil gharq ho jae na ai girdab-e-gham

har taraf dariya hi dariya hai kahin sahil nahin

dil se nikle lab tak aae lab se pahunche 'arsh tak

dil hi dil mein jo rahe ghuT kar wo aah-e-dil nahin

rokti hai is irade se mujhe meri umid

main samajhta tha ki mar jaana koi mushkil nahin

har nafas kahta hai thak thak kar ye mujh se har nafas

rahraw-e-gum-karda-manzil ki koi manzil nahin

kya karun ai KHanjar-e-gham kya karun ai tir-e-‘ishq

hain to do pahlu magar donon mein ek ek dil nahin

aas tum ne toD di apne mariz-e-‘ishq ki

us ke munh par kyon kaha jine ke ye qabil nahin

log kahte hain ki wo qatil baDa be-dard hai

us ko bhi bismil na main kar dun to phir 'bismil' nahin