jo kahin hai hi nahin uski tamanna karna

jo kahīñ hai hī nahīñ us kī tamanna karnā

kitnā mushkil hai kisī saaye kā pīchhā karnā

saath baiTheñge kisī jhiil ke paanī meñ ai chāñd

jab bhī kūche se guzarnā to ishāra karnā

mujh ko hī raas nahīñ aatī hai 'ādat apnī

jo bhī karnā vo zarūrat se ziyāda karnā

zindagī tere ravayye se pareshān huuñ maiñ

Thiik hai kyā ye tirā roz tamāsha karnā

terī ulfat meñ hī sīkhā hai ye jiine kā hunar

aas kam rakhnā bahut kam pe guzāra karnā

bas yahī shart hai vo shaḳhs tire jaisā ho

jis se bhī mere dil-e-nāz kā saudā karnā

maiñ bhī is paar tire aane kī ummīd rakhūñ

tum bhī us paar mirā rāsta dekhā karnā

jo kahin hai hi nahin us ki tamanna karna

kitna mushkil hai kisi saye ka pichha karna

sath baiThenge kisi jhil ke pani mein ai chand

jab bhi kuche se guzarna to ishaara karna

mujh ko hi ras nahin aati hai 'adat apni

jo bhi karna wo zarurat se ziyaada karna

zindagi tere rawayye se pareshan hun main

Thik hai kya ye tera roz tamasha karna

teri ulfat mein hi sikha hai ye jine ka hunar

aas kam rakhna bahut kam pe guzara karna

bas yahi shart hai wo shaKHs tere jaisa ho

jis se bhi mere dil-e-naz ka sauda karna

main bhi is par tere aane ki ummid rakhun

tum bhi us par mera rasta dekha karna