jo kaif-e-ishq se Khaali ho zindagi kiya hai

jo kaif-e-ishq se ḳhālī ho zindagī kiyā hai

shaguftagī na mile jis meñ vo kalī kyā hai

mirī nigāh meñ hai un kā āriz-e-raushan

ye kahkashāñ ye sitāre ye chāñdnī kyā hai

jamāl-e-yār kī ra.anā.iyoñ meñ gum hai nazar

mujhe ye hosh kahāñ hai ki zindagī kyā hai

uThā bhī jaam ki duniyā tire qadam chūme

ye mai-kada hai yahāñ aish kī kamī kyā hai

tumhārī yaad meñ baiThe haiñ dil ko bahlāne

sanam-tarāshī-o-zauq-e-musavvirī kyā hai

nafas nafas pe ye ehsās-e-ġham ye majbūrī

ḳhudā-gavāh qayāmat hai zindagī kyā hai

nigāh-e-shauq ke uThne kī der hai 'shā.ir'

vo be-qarār na aa.e to baat hī kyā hai

jo kaif-e-ishq se KHali ho zindagi kiya hai

shaguftagi na mile jis mein wo kali kya hai

meri nigah mein hai un ka aariz-e-raushan

ye kahkashan ye sitare ye chandni kya hai

jamal-e-yar ki ranaiyon mein gum hai nazar

mujhe ye hosh kahan hai ki zindagi kya hai

uTha bhi jam ki duniya tere qadam chume

ye mai-kada hai yahan aish ki kami kya hai

tumhaari yaad mein baiThe hain dil ko bahlane

sanam-tarashi-o-zauq-e-musawwiri kya hai

nafas nafas pe ye ehsas-e-gham ye majburi

KHuda-gawah qayamat hai zindagi kya hai

nigah-e-shauq ke uThne ki der hai 'shair'

wo be-qarar na aae to baat hi kya hai