jo khoe-khoe se hosh-o-hawas rahte hain

jo kho.e-kho.e se hosh-o-havās rahte haiñ

sabab ye hai vo mire ās-pās rahte haiñ

vo ham nahīñ jo bikhar jaa.eñ talḳh bātoñ par

hamāre qaabū meñ apne havās rahte haiñ

sunā.ūñ kyā maiñ tumheñ dard-e-dil kā afsāna

sabab hai kyā ki jo har pal udaas rahte haiñ

na bach sakoge kisī taur un kī nazroñ se

hamāre shahr meñ chehra-shanās rahte haiñ

ayaañ na ham ne kabhī kī hai tishnagī 'sāhir'

chhupā.e hoñToñ meñ ham apne pyaas rahte haiñ

jo khoe-khoe se hosh-o-hawas rahte hain

sabab ye hai wo mere aas-pas rahte hain

wo hum nahin jo bikhar jaen talKH baaton par

hamare qabu mein apne hawas rahte hain

sunaun kya main tumhein dard-e-dil ka afsana

sabab hai kya ki jo har pal udas rahte hain

na bach sakoge kisi taur un ki nazron se

hamare shahr mein chehra-shanas rahte hain

ayan na hum ne kabhi ki hai tishnagi 'sahir'

chhupae honTon mein hum apne pyas rahte hain