jo kuchh hua so hua ab sawal hi kya hai

jo kuchh huā so huā ab savāl hī kyā hai

bayān haal karūñ mujh meñ haal hī kyā hai

kuchh aur chāhtī hai un se shorish-e-ulfat

huā ḳhayāl to aisā ḳhayāl hī kyā hai

zamāna chāhiye vo e'tirāf-e-shauq kareñ

abhī ye roz o shab o maah o saal hī kyā hai

kisī ḳhayāl meñ bas zindagī guzar jaa.e

ġham-e-firāq o umīd-e-visāl hī kyā hai

burā kiyā na kareñge kabhī sitam kā gila

huzūr duur hī kar deñ malāl hī kyā hai

qarār dil ko mayassar nahīñ kahīñ jaao

nazar-farebi-e-husn-o-jamāl hī kyā hai

vo sāmne haiñ magar husn is ko kahte haiñ

koī nazar to uThā.e majāl hī kyā hai

baḌā kamāl kiyā bhī to chhū liyā dāman

darāz-dasti-e-dast-e-savāl hī kyā hai

hue vo ham se pashemāñ 'suhā' karam un kā

vagarna ārzū-e-pā.emāl hī kyā hai

jo kuchh hua so hua ab sawal hi kya hai

bayan haal karun mujh mein haal hi kya hai

kuchh aur chahti hai un se shorish-e-ulfat

hua KHayal to aisa KHayal hi kya hai

zamana chahiye wo e'tiraf-e-shauq karen

abhi ye roz o shab o mah o sal hi kya hai

kisi KHayal mein bas zindagi guzar jae

gham-e-firaq o umid-e-visal hi kya hai

bura kiya na karenge kabhi sitam ka gila

huzur dur hi kar den malal hi kya hai

qarar dil ko mayassar nahin kahin jao

nazar-farebi-e-husn-o-jamal hi kya hai

wo samne hain magar husn is ko kahte hain

koi nazar to uThae majal hi kya hai

baDa kamal kiya bhi to chhu liya daman

daraaz-dasti-e-dast-e-sawal hi kya hai

hue wo hum se pasheman 'suha' karam un ka

wagarna aarzu-e-paemal hi kya hai