jo lafz tere lab-e-angbin se niklega

jo lafz tere lab-e-angbīñ se niklegā

ba-sad-ḳhulūs-o-muravvat yaqīñ se niklegā

kisī ke qatl kā ḳhanjar chhupā liyā thā kabhī

ḳhabar nahīñ thī lahū āstīñ se niklegā

agar ye jānte ḳhushbū churā ke rakh lete

vo phūl-zāda hamāre qarīñ se niklegā

jahāñ ye tishna-laboñ kā hujūm baiThā hai

hamārī pyaas kā dariyā vahīñ se niklegā

jahāñ kī ḳhaak hamāre badan se lipTī hai

hamārī fat.h kā sūraj vahīñ se niklegā

tamīz-e-sūd-o-ziyāñ kī hameñ nahīñ fursat

hamārā ijz hamārī jabīñ se niklegā

mohabbatoñ ke samar jis pe muskurā.eñge

vo paudā merī muqaddas zamīñ se niklegā

jo lafz tere lab-e-angbin se niklega

ba-sad-KHulus-o-murawwat yaqin se niklega

kisi ke qatl ka KHanjar chhupa liya tha kabhi

KHabar nahin thi lahu aastin se niklega

agar ye jaante KHushbu chura ke rakh lete

wo phul-zada hamare qarin se niklega

jahan ye tishna-labon ka hujum baiTha hai

hamari pyas ka dariya wahin se niklega

jahan ki KHak hamare badan se lipTi hai

hamari fath ka suraj wahin se niklega

tamiz-e-sud-o-ziyan ki hamein nahin fursat

hamara ijz hamari jabin se niklega

mohabbaton ke samar jis pe muskuraenge

wo pauda meri muqaddas zamin se niklega