jo log apne iradon mein jaan rakhte the

jo log apne irādoñ meñ jaan rakhte the

buland hausle ūñchī uḌaan rakhte the

tumhāre paas bhī jin kā koī javāb na thā

savāl ham vo dam-e-imtihān rakhte the

maiñ dil kī baat bhī kahtā to kis tarah kahtā

galī ke sab dar-o-dīvār kaan rakhte the

tumhārī bazm se ḳhāmosh jo chale aa.e

vo kam-suḳhan bhī to muñh meñ zabān rakhte the

hameñ haqīr na samjho tum ai jahāñ vaalo

ki ham bhī zer-e-qadam āsmān rakhte the

jo log apne iradon mein jaan rakhte the

buland hausle unchi uDan rakhte the

tumhaare pas bhi jin ka koi jawab na tha

sawal hum wo dam-e-imtihan rakhte the

main dil ki baat bhi kahta to kis tarah kahta

gali ke sab dar-o-diwar kan rakhte the

tumhaari bazm se KHamosh jo chale aae

wo kam-suKHan bhi to munh mein zaban rakhte the

hamein haqir na samjho tum ai jahan walo

ki hum bhi zer-e-qadam aasman rakhte the