jo log sochte hain wo shayad nahin hun main

jo log sochte haiñ vo shāyad nahīñ huuñ maiñ

bāhar nahīñ huuñ ḳhud ke hī andar kahīñ huuñ maiñ

rakhtī huuñ apne paañv zamīñ par sañbhāl ke

maiñ āsmān se nahīñ ahl-e-zamīñ huuñ maiñ

kahte haiñ log is ko yahāñ e'timād-e-zāt

auroñ kī to ḳhabar nahīñ ḳhud kā yaqīñ huuñ maiñ

ye zarf hī hai jo kare ta.yīn-e-manzilat

jo ashk tere poñchh de vo āstīñ huuñ maiñ

maiñ dast-basta mohar-ba-lab ho ke kyā kahūñ

is bārgāh-e-ishq meñ ḳhasta-jabīñ huuñ maiñ

mehr-o-vafā ḳhulūs hai jis kī fazāoñ meñ

be-shak usī dayār kī adnā makīñ huuñ maiñ

jo log sochte hain wo shayad nahin hun main

bahar nahin hun KHud ke hi andar kahin hun main

rakhti hun apne panw zamin par sanbhaal ke

main aasman se nahin ahl-e-zamin hun main

kahte hain log is ko yahan e'timad-e-zat

auron ki to KHabar nahin KHud ka yaqin hun main

ye zarf hi hai jo kare tayin-e-manzilat

jo ashk tere ponchh de wo aastin hun main

main dast-basta mohar-ba-lab ho ke kya kahun

is bargah-e-ishq mein KHasta-jabin hun main

mehr-o-wafa KHulus hai jis ki fazaon mein

be-shak usi dayar ki adna makin hun main