jo mahtab lage hai kabhi gulab lage

jo māhtāb lage hai kabhī gulāb lage

use qarīb se dekheñ to ik sarāb lage

har ek shaḳhs pe apnī nazar nahīñ Tiktī

ho intiḳhāb to aisā ki intiḳhāb lage

ajiib vasl hai lagtā hai hijr ho jaise

tirī ḳhamosh-nigāhī hameñ azaab lage

bas ek baar tirā naam kyā liyā ham ne

zarā sī baat pe logoñ ko ham ḳharāb lage

ye kyā ki hijr ne ham se yaqīn chhīn liyā

vo sāmne ho hamāre hameñ ye ḳhvāb lage

gunāhgār huuñ nisbat hai ism-e-ahmad se

so apnā naam bhī lenā mujhe savāb lage

jo mahtab lage hai kabhi gulab lage

use qarib se dekhen to ek sarab lage

har ek shaKHs pe apni nazar nahin Tikti

ho intiKHab to aisa ki intiKHab lage

ajib wasl hai lagta hai hijr ho jaise

teri KHamosh-nigahi hamein azab lage

bas ek bar tera nam kya liya hum ne

zara si baat pe logon ko hum KHarab lage

ye kya ki hijr ne hum se yaqin chhin liya

wo samne ho hamare hamein ye KHwab lage

gunahgar hun nisbat hai ism-e-ahmad se

so apna nam bhi lena mujhe sawab lage