jo meri aaKHiri KHwahish ki tarjuman Thahri

jo merī āḳhirī ḳhvāhish kī tarjumāñ Thahrī

vo ek ġhārat-e-jāñ hī matā-e-jāñ Thahrī

ye ġham nahīñ ki mirā āshiyāñ rahā na rahā

ḳhushī ye hai ki yahīñ barq be-amāñ Thahrī

vo terī chashm-e-fusūñ-sāz thī ki mauj-e-karam

vahīñ vahīñ pe maiñ Duubā jahāñ jahāñ Thahrī

kabhī the us meñ mirī zindagī ke hañgāme

vo ik galī jo guzargāh-e-dushmanāñ Thahrī

vahī thī ziist kā hāsil vahī thī lutf-e-hayāt

vo ek sā.at-e-rañgīñ jo be-karāñ Thahrī

maiñ us ko bhuul bhī jā.ūñ to kis tarah 'nāsir'

jo shart-e-ḳhās mire un ke darmiyāñ Thahrī

jo meri aaKHiri KHwahish ki tarjuman Thahri

wo ek ghaarat-e-jaan hi mata-e-jaan Thahri

ye gham nahin ki mera aashiyan raha na raha

KHushi ye hai ki yahin barq be-aman Thahri

wo teri chashm-e-fusun-saz thi ki mauj-e-karam

wahin wahin pe main Duba jahan jahan Thahri

kabhi the us mein meri zindagi ke hangame

wo ek gali jo guzargah-e-dushmanan Thahri

wahi thi zist ka hasil wahi thi lutf-e-hayat

wo ek saat-e-rangin jo be-karan Thahri

main us ko bhul bhi jaun to kis tarah 'nasir'

jo shart-e-KHas mere un ke darmiyan Thahri