jo meri aankh se us jism mein daKHil hui hogi

jo merī aañkh se us jism meñ dāḳhil huī hogī

vo laḌkī phir mire siine meñ jā kar dil huī hogī

vo merī jān-o-dil kī kaifiyat se ḳhuub vāqif hai

vo kitnī baar merī ruuh meñ shāmil huī hogī

na jaane kitne badle hoñge us ne pairahan apne

to phir āḳhir vo mere ishq ke qābil huī hogī

mirī āñkhoñ kā sannāTā bhī kuchh to boltā hogā

vo laḌkī sun na paa.ī is qadar ġhāfil huī hogī

palaT kar dekhnā aur dekh kar aañsū bahā denā

use jaane meñ mujh ko chhoḌ kar mushkil huī hogī

mo.attar shaam hogī aur mahaktī har sahar us kī

tirī zulfoñ kī ye ḳhushbū jise hāsil huī hogī

añdheroñ meñ kisī ko kuchh nazar aatā nahīñ to phir

añdheroñ meñ sitam kī raushnī shāmil huī hogī

hameñ to Duub marne ke liye hai chullū-bhar paanī

kisī ke vāste mauj-e-balā sāhil huī hogī

mujhe is daur ke hālāt se lagtā nahīñ 'arpit'

kise is zindagī meñ zindagī hāsil huī hogī

jo meri aankh se us jism mein daKHil hui hogi

wo laDki phir mere sine mein ja kar dil hui hogi

wo meri jaan-o-dil ki kaifiyat se KHub waqif hai

wo kitni bar meri ruh mein shamil hui hogi

na jaane kitne badle honge us ne pairahan apne

to phir aaKHir wo mere ishq ke qabil hui hogi

meri aankhon ka sannaTa bhi kuchh to bolta hoga

wo laDki sun na pai is qadar ghafil hui hogi

palaT kar dekhna aur dekh kar aansu baha dena

use jaane mein mujh ko chhoD kar mushkil hui hogi

moattar sham hogi aur mahakti har sahar us ki

teri zulfon ki ye KHushbu jise hasil hui hogi

andheron mein kisi ko kuchh nazar aata nahin to phir

andheron mein sitam ki raushni shamil hui hogi

hamein to Dub marne ke liye hai chullu-bhar pani

kisi ke waste mauj-e-bala sahil hui hogi

mujhe is daur ke haalat se lagta nahin 'arpit'

kise is zindagi mein zindagi hasil hui hogi