jo mila dard hai miras teri yaadon ki

jo milā dard hai mīrās tirī yādoñ kī

is kī shiddat se faqat maiñ mirā dil hai vāqif

hijr kī ab jo masāfat kahīñ tai karnī hai

ek muddat se faqat maiñ mirā dil hai vāqif

haa.e us naqsh-e-mohabbat kī talattuf-tab’ī

jis kī lazzat se faqat maiñ mirā dil hai vāqif

haa.e is tab' o tabī'at meñ makīñ rang-e-junūñ

us kī jaudat se faqat maiñ mirā dil hai vāqif

māya-e-dard jo ris aa.e the ik haikal meñ

sab kī vahdat se faqat maiñ mirā dil hai vāqif

ruḳh ke ḳhāmosh shikan se vo umañDtī shafqat

mauj-e-hiddat se faqat maiñ mirā dil hai vāqif

dil se vo narm ravāñ saḳht magar zāhir meñ

aisī fitrat se faqat maiñ mirā dil hai vāqif

ye to sach hai ki mileñge vo mujhe mahshar meñ

aisī hijrat se faqat maiñ mirā dil hai vāqif

jo mila dard hai miras teri yaadon ki

is ki shiddat se faqat main mera dil hai waqif

hijr ki ab jo masafat kahin tai karni hai

ek muddat se faqat main mera dil hai waqif

hae us naqsh-e-mohabbat ki talattuf-tab’i

jis ki lazzat se faqat main mera dil hai waqif

hae is tab' o tabi'at mein makin rang-e-junun

us ki jaudat se faqat main mera dil hai waqif

maya-e-dard jo ris aae the ek haikal mein

sab ki wahdat se faqat main mera dil hai waqif

ruKH ke KHamosh shikan se wo umanDti shafqat

mauj-e-hiddat se faqat main mera dil hai waqif

dil se wo narm rawan saKHt magar zahir mein

aisi fitrat se faqat main mera dil hai waqif

ye to sach hai ki milenge wo mujhe mahshar mein

aisi hijrat se faqat main mera dil hai waqif