jo mila karti thi mujhko lakDiyon ki Tal par

jo milā kartī thī mujh ko lakḌiyoñ kī Taal par

aisī laḌkī aaj tak dekhī nahīñ hai maal par

aañkh meñ saa.e kī ḳhvāhish peT meñ roTī kī bhuuk

phir bhī kaisī tāzgī thī phuul jaise gaal par

us ko dekhā to use bas dekhtā hī rah gayā

jaise ik zaḳhmī sī titlī ek TuuTī Daal par

jaane kaise us ko merī pyaas kī pahuñchī ḳhabar

laa.ī chāñdī se kaTore sone aise thaal par

patlī patlī roTiyoñ ko chaopḌegī haath se

Daal kar taḌkā vo mujh ko degī patlī daal par

merī nazroñ se chhupā kar us se āñkheñ poñchh leñ

us ne merā naam likh rakkhā thā jis rūmāl par

jo mila karti thi mujh ko lakDiyon ki Tal par

aisi laDki aaj tak dekhi nahin hai mal par

aankh mein sae ki KHwahish peT mein roTi ki bhuk

phir bhi kaisi tazgi thi phul jaise gal par

us ko dekha to use bas dekhta hi rah gaya

jaise ek zaKHmi si titli ek TuTi Dal par

jaane kaise us ko meri pyas ki pahunchi KHabar

lai chandi se kaTore sone aise thaal par

patli patli roTiyon ko chaopDegi hath se

Dal kar taDka wo mujh ko degi patli dal par

meri nazron se chhupa kar us se aankhen ponchh len

us ne mera nam likh rakkha tha jis rumal par