jo muqaddar mein nahin uski talab rakhte hain

jo muqaddar meñ nahīñ us kī talab rakhte haiñ

ham bhī ai yaar haiñ kyā dil ko 'ajab rakhte haiñ

justujū kuchh bhī nahīñ tere sivā jān-e-ġhazal

ham to sāñseñ bhī ravāñ tere sabab rakhte haiñ

shīrīñ guftār bhī haiñ zulf-e-siyah-kār bhī haiñ

ḳhūb-rū chehre pe āñkheñ bhī ġhazab rakhte haiñ

tujh ko dekheñ jo na āñkheñ to bhalā kyā dekheñ

ḳhvāhish-e-dīd meñ kyā sharm-o-adab rakhte haiñ

tere kūche meñ jo aate haiñ faqīroñ kī tarah

ye alag baat baḌā nām-o-nasab rakhte haiñ

jo muqaddar mein nahin us ki talab rakhte hain

hum bhi ai yar hain kya dil ko 'ajab rakhte hain

justuju kuchh bhi nahin tere siwa jaan-e-ghazal

hum to sansen bhi rawan tere sabab rakhte hain

shirin guftar bhi hain zulf-e-siyah-kar bhi hain

KHub-ru chehre pe aankhen bhi ghazab rakhte hain

tujh ko dekhen jo na aankhen to bhala kya dekhen

KHwahish-e-did mein kya sharm-o-adab rakhte hain

tere kuche mein jo aate hain faqiron ki tarah

ye alag baat baDa nam-o-nasab rakhte hain