jo pa kar bhi kuchh nahin khote wo rote hain is duniya mein

jo pā kar bhī kuchh nahīñ khote vo rote haiñ is duniyā meñ

aañsū hoñ dāman pe kisī ke ham dhote haiñ is duniyā meñ

andhoñ kī bastī meñ kab se ā.īne maiñ bech rahā huuñ

mujh jaise bhī aql ke andhe kam hote haiñ is duniyā meñ

ḳhvāb agar jhūTe hoñ bhī to ta.abīreñ sachchī hotī haiñ

merī niiñd uḌāne vaale kab sote haiñ is duniyā meñ

jab vo mile the zaḳhm hañse the paat hare the phuul khile the

kitnī ruteñ aa.iiñ bhī ga.iiñ bhī ham rote haiñ is duniyā meñ

kāñToñ kī barsāteñ pā kar ham ne to gul bāñTe lekin

fasl ḳhushī kī kāTne vaale ġham bote haiñ is duniyā meñ

sadiyoñ kī tahzīb ke ḳhāliq qabreñ apnī chhoḌ ga.e haiñ

aur un qabroñ kī miTTī ko ham Dhote haiñ is duniyā meñ

jo pa kar bhi kuchh nahin khote wo rote hain is duniya mein

aansu hon daman pe kisi ke hum dhote hain is duniya mein

andhon ki basti mein kab se aaine main bech raha hun

mujh jaise bhi aql ke andhe kam hote hain is duniya mein

KHwab agar jhuTe hon bhi to tabiren sachchi hoti hain

meri nind uDane wale kab sote hain is duniya mein

jab wo mile the zaKHm hanse the pat hare the phul khile the

kitni ruten aain bhi gain bhi hum rote hain is duniya mein

kanTon ki barsaten pa kar hum ne to gul banTe lekin

fasl KHushi ki kaTne wale gham bote hain is duniya mein

sadiyon ki tahzib ke KHaliq qabren apni chhoD gae hain

aur un qabron ki miTTi ko hum Dhote hain is duniya mein