jo phunk de dil-e-alam wo rah paida kar

jo phūñk de dil-e-ālam vo raah paidā kar

jo barq ban ke gire vo nigāh paidā kar

ḳhulūs-o-ḳhulq-o-mohabbat kī chaah paidā kar

magar na is meñ kabhī ishtibāh paidā kar

sikhā.e sabr jo vo dars-gāh paidā kar

sukūn-o-amn kī ik shāh-rāh paidā kar

ġham-e-jahāñ se hai bachnā tujhe agar ai dil

tū zer-e-dāman-e-ulfat panāh paidā kar

jo bazm meñ haiñ fidā.ī nahīñ haiñ sab terī

parakh sake jo vafā vo nigāh paidā kar

jo bāġhbāñ ne nasheman jalāyā ai bulbul

sameT kar jale tinke gavāh paidā kar

agar bahār-e-chaman kī hai aarzū ai dil

havā-e-dasht se bhī rasm-o-rāh paidā kar

sanam kā dil meñ zabāñ par ḳhudā kā naam rahe

gunāh ke liye uzr-e-gunāh paidā kar

hañsī uḌā na mohabbat kī haa.e vaa.e na kar

jo dil kī huuk bane aisī aah paidā kar

'fazā' yahī dil-e-betāb kā taqāzā hai

harīm-e-nāz hī meñ jā.e-gāh paidā kar

jo phunk de dil-e-alam wo rah paida kar

jo barq ban ke gire wo nigah paida kar

KHulus-o-KHulq-o-mohabbat ki chah paida kar

magar na is mein kabhi ishtibah paida kar

sikhae sabr jo wo dars-gah paida kar

sukun-o-amn ki ek shah-rah paida kar

gham-e-jahan se hai bachna tujhe agar ai dil

tu zer-e-daman-e-ulfat panah paida kar

jo bazm mein hain fidai nahin hain sab teri

parakh sake jo wafa wo nigah paida kar

jo baghban ne nasheman jalaya ai bulbul

sameT kar jale tinke gawah paida kar

agar bahaar-e-chaman ki hai aarzu ai dil

hawa-e-dasht se bhi rasm-o-rah paida kar

sanam ka dil mein zaban par KHuda ka nam rahe

gunah ke liye uzr-e-gunah paida kar

hansi uDa na mohabbat ki hae wae na kar

jo dil ki huk bane aisi aah paida kar

'faza' yahi dil-e-betab ka taqaza hai

harim-e-naz hi mein jae-gah paida kar