jo samae the kabhi aankh mein tare ban kar
jo samā.e the kabhī aañkh meñ taare ban kar
aaj āñkhoñ meñ sulagte haiñ sharāre ban kar
Dūbne vaale safīnoñ ko fanā hone do
ik na ik roz ye ubhreñge kināre ban kar
kārvāñ luuT liyā ġhairoñ ne is kā ġham kyā
ġham hai luuTā hameñ apnoñ ne sahāre ban kar
ḳhuun mazlūm kā kab tak ye zamīñ chūsegī
jism se phūTegā ye aag ke dhāre ban kar
apnī āñkhoñ se baraste haiñ jo motī 'sābir'
jagmagā.eñge kisī roz sitāre ban kar
jo samae the kabhi aankh mein tare ban kar
aaj aankhon mein sulagte hain sharare ban kar
Dubne wale safinon ko fana hone do
ek na ek roz ye ubhrenge kinare ban kar
karwan luT liya ghairon ne is ka gham kya
gham hai luTa hamein apnon ne sahaare ban kar
KHun mazlum ka kab tak ye zamin chusegi
jism se phuTega ye aag ke dhaare ban kar
apni aankhon se baraste hain jo moti 'sabir'
jagmagaenge kisi roz sitare ban kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.