jo sunta hun kahunga main jo kahta hun sununga main

jo suntā huuñ kahūñgā maiñ jo kahtā huuñ sunūñgā maiñ

hamesha majlis-e-nutq-o-samā.at meñ rahūñgā maiñ

nahīñ hai talḳh-goī sheva-e-sanjīdgāñ lekin

mujhe vo gāliyāñ deñge to kyā chup saadh lūñgā maiñ

kam-az-kam ghar to apnā hai agar vīrān bhī hogā

to dahlīz o dar-o-dīvār se bāteñ karūñgā maiñ

yahī ehsās kaafī hai ki kyā thā aur ab kyā huuñ

mujhe bilkul nahīñ tashvīsh aage kyā banūñgā maiñ

mirī āñkhoñ kā sonā chāhe miTTī meñ bikhar jaa.e

añdherī raat terī maañg meñ afshāñ bharūñgā maiñ

husūl-e-āgahī ke vaqt kaash itnī ḳhabar hotī

ki ye vo aag hai jis aag meñ zinda jalūñgā maiñ

koī ik aadh to hogā mujhe jo raas aa jaa.e

bisāt-e-vaqt par haiñ jis qadar mohre chalūñgā maiñ

agar is martaba bhī aarzū puurī nahīñ hogī

to is ke ba.ad āḳhir kis bharose par jiyūñgā maiñ

yahī hogā kisī din Duub jā.ūñgā samundar meñ

tamannāoñ kī ḳhālī sīpiyāñ kab tak chunūñgā maiñ

jo sunta hun kahunga main jo kahta hun sununga main

hamesha majlis-e-nutq-o-samaat mein rahunga main

nahin hai talKH-goi shewa-e-sanjidgan lekin

mujhe wo galiyan denge to kya chup sadh lunga main

kam-az-kam ghar to apna hai agar viran bhi hoga

to dahliz o dar-o-diwar se baaten karunga main

yahi ehsas kafi hai ki kya tha aur ab kya hun

mujhe bilkul nahin tashwish aage kya banunga main

meri aankhon ka sona chahe miTTi mein bikhar jae

andheri raat teri mang mein afshan bharunga main

husul-e-agahi ke waqt kash itni KHabar hoti

ki ye wo aag hai jis aag mein zinda jalunga main

koi ek aadh to hoga mujhe jo ras aa jae

bisat-e-waqt par hain jis qadar mohre chalunga main

agar is martaba bhi aarzu puri nahin hogi

to is ke baad aaKHir kis bharose par jiyunga main

yahi hoga kisi din Dub jaunga samundar mein

tamannaon ki KHali sipiyan kab tak chununga main