jo suli ke muqaddar mein rakhe the

jo suulī ke muqaddar meñ rakhe the

ham aise bad-nasīboñ ke gale the

hamārā vaqt puurā ho rahā thā

kisī ke muñh pe bārah baj rahe the

aziyyat lutf dene lag ga.ī thī

so nāḳhun se kalā.ī kāTte the

mohabbat mujh ko kāfir kar rahī hai

mire donoñ farishtoñ ke gile the

zamīñ sonā ugalne lag paḌī thī

mire hāthoñ ke chhāle baḌh rahe the

shahanshah jab sitam Dhāne pe aaya

ḳhudā chup thā magar ham to laḌe the

koī sundar pujāran mar ga.ī thī

tabhī to devtā ro.e hue the

koī taḳhtī nahīñ thī shahr-bhar meñ

ki chaurāhoñ pe bas murde gaḌe the

jo suli ke muqaddar mein rakhe the

hum aise bad-nasibon ke gale the

hamara waqt pura ho raha tha

kisi ke munh pe barah baj rahe the

aziyyat lutf dene lag gai thi

so naKHun se kalai kaTte the

mohabbat mujh ko kafir kar rahi hai

mere donon farishton ke gile the

zamin sona ugalne lag paDi thi

mere hathon ke chhaale baDh rahe the

shahanshah jab sitam Dhane pe aaya

KHuda chup tha magar hum to laDe the

koi sundar pujaran mar gai thi

tabhi to dewta roe hue the

koi taKHti nahin thi shahr-bhar mein

ki chaurahon pe bas murde gaDe the