jo suraj ho to har manzar ujala kyun nahin karte

jo sūraj ho to har manzar ujālā kyuuñ nahīñ karte

ye āThoñ pahr kī rāteñ saverā kyuuñ nahīñ karte

ta.ajjub hai mujhī ko apnī mahfil meñ nahīñ dekhā

nahīñ dekhā agar tum ne to dekhā kyuuñ nahīñ karte

churātā hai vo pahle niiñd phir shoḳhī se kahtā hai

ye shab bhar jāgte rahte ho soyā kyuuñ nahīñ karte

hisāb-e-dostāñ ai dil ḳhayāl-e-nek hai lekin

tumhāre paas bhī dil hai tum aisā kyuuñ nahīñ karte

mire bhaa.ī agar tairāk banñā chāhte ho tum

to dariyā ke kināre se kināra kyuuñ nahīñ karte

uThā kar roz le jaatā hai mere ḳhvāb kā manzar

vo mujh se roz kahtā hai bharosa kyuuñ nahīñ karte

to din ko ishq kī bāteñ samajh hī meñ nahīñ aa.eñ

samajh hī meñ nahīñ aa.iiñ to samjhā kyuuñ nahīñ karte

diloñ kā qarz raqmoñ se adā hotā nahīñ 'ḳhālid'

bahut āsāñ hai ye kahnā taqāzā nahīñ karte

jo suraj ho to har manzar ujala kyun nahin karte

ye aaThon pahr ki raaten sawera kyun nahin karte

tajjub hai mujhi ko apni mahfil mein nahin dekha

nahin dekha agar tum ne to dekha kyun nahin karte

churaata hai wo pahle nind phir shoKHi se kahta hai

ye shab bhar jagte rahte ho soya kyun nahin karte

hisab-e-dostan ai dil KHayal-e-nek hai lekin

tumhaare pas bhi dil hai tum aisa kyun nahin karte

mere bhai agar tairak banna chahte ho tum

to dariya ke kinare se kinara kyun nahin karte

uTha kar roz le jata hai mere KHwab ka manzar

wo mujh se roz kahta hai bharosa kyun nahin karte

to din ko ishq ki baaten samajh hi mein nahin aaen

samajh hi mein nahin aain to samjha kyun nahin karte

dilon ka qarz raqmon se ada hota nahin 'KHalid'

bahut aasan hai ye kahna taqaza nahin karte