jo tere ru-e-daraKHshan pe nazar rakhte hain

jo tire rū-e-daraḳhshāñ pe nazar rakhte haiñ

vo ḳhayāloñ meñ kahāñ shams-o-qamar rakhte haiñ

rāsta ye tirī chāhat kā nikālā ham ne

bas tire chāhne vāloñ pe nazar rakhte haiñ

vo bahut duur haiñ is baat kā ġham hai lekin

ye bahut hai vo mirī ḳhair-ḳhabar rakhte haiñ

ham tire ġham ko chhupā.eñ to chhupā.e kaise

dushmanī mujh se mire dīda-e-tar rakhte haiñ

bārhā bār-e-samar hañs ke uThāyā ham ne

shāḳh-e-nāzuk haiñ magar maañ kā jigar rakhte haiñ

phir tire zulm kī zad par na kahīñ aa jaa.eñ

aise mazlūm jo aahoñ meñ asar rakhte haiñ

sar-bulandī kā nasha jin ko chaḌhā hai saaqī

shauq se vo tirī dahlīz pe sar rakhte haiñ

manzileñ un kī qadam-bos huī haiñ aksar

ḳhud ko jo raah meñ sargarm-e-safar rakhte haiñ

ham 'suman' dard ke saa.e meñ tabassum lab par

rakhnā hotā to hai dushvār magar rakhte haiñ

jo tere ru-e-daraKHshan pe nazar rakhte hain

wo KHayalon mein kahan shams-o-qamar rakhte hain

rasta ye teri chahat ka nikala hum ne

bas tere chahne walon pe nazar rakhte hain

wo bahut dur hain is baat ka gham hai lekin

ye bahut hai wo meri KHair-KHabar rakhte hain

hum tere gham ko chhupaen to chhupae kaise

dushmani mujh se mere dida-e-tar rakhte hain

barha bar-e-samar hans ke uThaya hum ne

shaKH-e-nazuk hain magar man ka jigar rakhte hain

phir tere zulm ki zad par na kahin aa jaen

aise mazlum jo aahon mein asar rakhte hain

sar-bulandi ka nasha jin ko chaDha hai saqi

shauq se wo teri dahliz pe sar rakhte hain

manzilen un ki qadam-bos hui hain aksar

KHud ko jo rah mein sargarm-e-safar rakhte hain

hum 'suman' dard ke sae mein tabassum lab par

rakhna hota to hai dushwar magar rakhte hain