jo teri nazar mein pinhan na ye etibar hota

jo tirī nazar meñ pinhāñ na ye e'tibār hotā

mirī jaañ ġhubār hotī mirā dil mazār hotā

kahīñ ham bhī DhūñD lete koī āfiyat kā unvāñ

ye jo be-qarār dil hai ise gar qarār hotā

koī ramz-dīd hotā ki banā-e-sukūñ ho

mirī aarzū bahaltī agar intizār hotā

ye shabān-e-hijr kaTtīñ ye dil-e-hazīñ bahaltā

jo sahar ke aa.ine meñ kahīñ rū-e-yār hotā

kabhī shāḳh-e-gul lachak kar ḳhabar-e-bahār detī

kahīñ surma.ī fazā meñ koī naġhma-bār hotā

na jo dil ke āsmāñ par koī barq sī lapaktī

ġham-e-marg-e-ārzū hī mirā ġham-gusār hotā

tirī be-ruḳhī pe khultā kabhī dard-e-dil kā mazmūñ

na ye harf-e-muḳhtasar gar tire dil pe baar hotā

jo teri nazar mein pinhan na ye e'tibar hota

meri jaan ghubar hoti mera dil mazar hota

kahin hum bhi DhunD lete koi aafiyat ka unwan

ye jo be-qarar dil hai ise gar qarar hota

koi ramz-did hota ki bana-e-sukun ho

meri aarzu bahalti agar intizar hota

ye shaban-e-hijr kaTtin ye dil-e-hazin bahalta

jo sahar ke aaine mein kahin ru-e-yar hota

kabhi shaKH-e-gul lachak kar KHabar-e-bahaar deti

kahin surmai faza mein koi naghma-bar hota

na jo dil ke aasman par koi barq si lapakti

gham-e-marg-e-arzu hi mera gham-gusar hota

teri be-ruKHi pe khulta kabhi dard-e-dil ka mazmun

na ye harf-e-muKHtasar gar tere dil pe bar hota