jo wahshaton ke safar se niDhaal ho gae hain

jo vahshatoñ ke safar se niDhāl ho ga.e haiñ

vo saare log mire ham-ḳhayāl ho ga.e haiñ

vo jis galī se hameñ mustarad kiyā gayā thā

ham us galī meñ dobāra bahāl ho ga.e haiñ

hamāre dast-e-hunar kī riyāzatoñ ke tufail

bahut se log yahāñ bā-kamāl ho ga.e haiñ

javāb dene kī jin meñ salāhiyat hī nahīñ

unhīñ se log sarāpā savāl ho ga.e haiñ

usī kī aaj bhī rahtī haiñ muntazir āñkheñ

jise judā hue pachchīs saal ho ga.e haiñ

mohabbatoñ kī luġhat ke vo lafz haiñ ham log

jo nafratoñ ke liye ik vabāl ho ga.e haiñ

jo wahshaton ke safar se niDhaal ho gae hain

wo sare log mere ham-KHayal ho gae hain

wo jis gali se hamein mustarad kiya gaya tha

hum us gali mein dobara bahaal ho gae hain

hamare dast-e-hunar ki riyazaton ke tufail

bahut se log yahan ba-kamal ho gae hain

jawab dene ki jin mein salahiyat hi nahin

unhin se log sarapa sawal ho gae hain

usi ki aaj bhi rahti hain muntazir aankhen

jise juda hue pachchis sal ho gae hain

mohabbaton ki lughat ke wo lafz hain hum log

jo nafraton ke liye ek wabaal ho gae hain