josh-e-junun mein aap ka aanchal pakaD liya

josh-e-junūñ meñ aap kā āñchal pakaḌ liyā

ghabrā ke ek saañp ne sandal pakaḌ liyā

aañsū ba-zid ki saath hamāre hī jā.egā

lekin ghanerī palkoñ ne kājal pakaḌ liyā

ye mashvara hai aap bhī ham-rāz DhūñD leñ

ham ne to ik mahalle kā pāgal pakaḌ liyā

tere tasavvurāt se fursat nahīñ mujhe

is bhuut ne to gaañv kā pīpal pakaḌ liyā

ham ḳhud ko 'aql-mand jatāte to kis tarah

so ye kiyā ik 'aql se paidal pakaḌ liyā

josh-e-junun mein aap ka aanchal pakaD liya

ghabra ke ek sanp ne sandal pakaD liya

aansu ba-zid ki sath hamare hi jaega

lekin ghaneri palkon ne kajal pakaD liya

ye mashwara hai aap bhi ham-raaz DhunD len

hum ne to ek mahalle ka pagal pakaD liya

tere tasawwuraat se fursat nahin mujhe

is bhut ne to ganw ka pipal pakaD liya

hum KHud ko 'aql-mand jatate to kis tarah

so ye kiya ek 'aql se paidal pakaD liya