josh-e-junun mein raat din sab se raha alag alag

josh-e-junūñ meñ raat din sab se rahā alag alag

maiñ huuñ judā alag alag log judā alag alag

maiñ ne balā.eñ lene ko haath baḌhā.e jab udhar

muñh ko phirā ke yaar ne mujh se kahā alag alag

sham.a jalāne aa.e haiñ aaj vo merī qabr par

chaliyo ḳhudā ke vāste bād-e-sabā alag alag

ḳhaak ho zindagī bhalā tere marīz-e-ishq kī

maiñ huuñ davā se duur duur mujh se davā alag alag

hijr meñ ḳhuub ḳhaak uḌī un ko huā na kuchh asar

naale ga.e alag alag āh-e-rasā alag alag

hasrat-o-ārzū-e-vasl dard-o-musībat-e-firāq

sab kā hai lutf alag alag sab kā maza alag alag

'sadr' vo kam-nasīb huuñ hijr meñ gar uThā.ūñ haath

bāb-e-qubūl se rahe merī duā alag alag

josh-e-junun mein raat din sab se raha alag alag

main hun juda alag alag log juda alag alag

main ne balaen lene ko hath baDhae jab udhar

munh ko phira ke yar ne mujh se kaha alag alag

shama jalane aae hain aaj wo meri qabr par

chaliyo KHuda ke waste baad-e-saba alag alag

KHak ho zindagi bhala tere mariz-e-ishq ki

main hun dawa se dur dur mujh se dawa alag alag

hijr mein KHub KHak uDi un ko hua na kuchh asar

nale gae alag alag aah-e-rasa alag alag

hasrat-o-arzu-e-wasl dard-o-musibat-e-firaq

sab ka hai lutf alag alag sab ka maza alag alag

'sadr' wo kam-nasib hun hijr mein gar uThaun hath

bab-e-qubul se rahe meri dua alag alag