juda kiya to bahut hi hansi-KHushi usne

judā kiyā to bahut hī hañsī-ḳhushī us ne

badal diyā hai ab andāz-e-be-ruḳhī us ne

vo rañg rañg uḌā ḳhushbuoñ meñ phail gayā

jhaTak diyā hai mirā dāman-e-tahī us ne

jise sunā ke mujhe ḳhauf-e-sar-zanish sā rahā

usī kalām pe baḌh-chaḌh ke daad dī us ne

vo mere saath shurū-e-safar chalā thā magar

hujūm-e-shahr meñ lī raah aur hī us ne

huā huuñ jur.at-e-jurm-e-vafā se bhī mahrūm

sazā ye dī ki ḳhatā merī baḳhsh dī us ne

ab apnī koī sadā hai na apnā koī pata

pilā diyā hai mujhe zahr-e-āgahī us ne

dar-e-sukūt pe 'hālī' bahut hai shor-e-sadā

bapā kiyā hai vo tūfān-e-ḳhāmushī us ne

juda kiya to bahut hi hansi-KHushi us ne

badal diya hai ab andaz-e-be-ruKHi us ne

wo rang rang uDa KHushbuon mein phail gaya

jhaTak diya hai mera daman-e-tahi us ne

jise suna ke mujhe KHauf-e-sar-zanish sa raha

usi kalam pe baDh-chaDh ke dad di us ne

wo mere sath shuru-e-safar chala tha magar

hujum-e-shahr mein li rah aur hi us ne

hua hun jurat-e-jurm-e-wafa se bhi mahrum

saza ye di ki KHata meri baKHsh di us ne

ab apni koi sada hai na apna koi pata

pila diya hai mujhe zahr-e-agahi us ne

dar-e-sukut pe 'haali' bahut hai shor-e-sada

bapa kiya hai wo tufan-e-KHamushi us ne